ཕྱི་ལོ་ ༢༠༡༩ ལོའི་སྐབས་ལྔ་པའི་ཕར་ཕྱིན་སློབ་ཐོན་པའི་རྒྱུགས་སྤྲོད་ཆེན་མོ་ལེགས་པར་གྲུབ་པ།
ཕྱི་ལོ་ ༢༠༡༩ ལོའི་སྐབས་ལྔ་པའི་ཕར་ཕྱིན་སློབ་ཐོན་པའི་རྒྱུགས་སྤྲོད་ཆེན་མོ་ཕྱི་ཟླ་ ༦ ཚེས་ ནས་དབུ་འཛུགས་གནང་སྟེ་ཕྱི་ཚེས་ ༢༦ ཉིན་ཡོངས་སུ་གྲུབ་པར་མ་ཟད། རྒྱུགས་འབྲས་ཀྱང་གསལ་བསྒྲགས་གནང་བར་ཐེངས་འདིའི་རྒྱུགས་སྤྲོད་ལ་ཞུགས་མཁན་ཕར་ཕྱིན་སྐབས་བརྒྱད་པའི་འཛིན་གྲྭ་མི་གྲངས་བཅུ་གསུམ་ཡོད་པ་ནས་ཨང་སྡེ་དང་པོའི་གྲས་བཅུ་དང་། ཨང་སྡེ་གཉིས་པའི་གྲས་གསུམ་ཡིན་པས་ཚང་མས་ཚད་མཐོན་པོའི་སྒོ་ནས་རྒྱུགས་འཕྲོད་ཡོད་པ་ནི་རྒྱུགས་སྤྲོད་མཁན་ཙམ་མིན་པར། དགེ་སློབ་ལས་བྱེད་ཚང་མའི་ངོས་ནས་ཧ་ཅང་དགའ་འོས་པའི་དོན་བཟང་ཞིག་ཅི་ལ་མིན། ཁོང་རྣམ་པས་ཕར་ཕྱིན་ལོ་རིམ་དྲུག་དང་། དེའི་སྔོན་དུ་བསྡུས་གྲྭ་དང་། བློ་རིག རྟགས་རིགས། ས་ལམ་གྲུབ་མཐའ་སོགས་ལ་སྦྱངས་པ་རིམ་གནང་མཐར་འདི་ལོར་ཕར་ཕྱིན་སློབ་ཐོན་པའི་རྒྱུགས་སྤྲོད་གནང་བ་ཞིག་ཡིན་པ་དང་།
གདན་ས་ཆེན་པོ་སེར་སྨད་ཐོས་བསམ་ནོར་གླིང་གྲྭ་ཚང་གི་མཁན་རིན་པོ་ཆེ་བཀྲ་ཤིས་ཚེ་རིང་མཆོག་ལ་དབྱིན་ཇིའི་གོང་མའི་ཆེ་བསྟོད་གཟེངས་རྟགས་ཐོབ་པར་བཀྲ་ཤིས་བདེ་ལེགས་ཀྱི་རྟེན་འབྲེལ་ཞུ།
༄༅།། མཁན་རིན་པོ་ཆེ་བཀྲ་ཤིས་ཚེ་རིང་མཆོག་ནི། ཕྱི་ལོ་ ༡༩༥༨ ལོར་བོད་ཀྱི་ནུབ་ཕྱོགས་སུ་ཆགས་པའི་སྤུ་ཧྲེང་ཁུལ་དུ་འཁྲུངས་ཤིང་། བོད་ནས་རྒྱ་གར་དུ་བཙན་བྱོལ་ལ་ཕེབས་རྗེས་ནང་མི་དང་ལྷན་དུ་ལྷོ་ཕྱོགས་བོད་མིའི་གཞིས་ཆགས་སུ་སེར་སྨད་གྲྭ་ཚང་ཀོང་པོ་ཁང་ཚན་དུ་ཆོས་ཞུགས་དང་འབྲེལ་གཞུང་ཆེན་ཀ་པོད་ལྔར་གསན་བསམ་སློབ་གཉེར་མཐར་ཕྱིན་གནང་སྟེ། ཕྱི་ལོ་ ༡༩༩༠ ལོར་དགེ་བཤེས་ལྷ་རམས་པའི་མཚན་གནས་བཞེས་རྗེས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་དགོངས་ལམ་སྟོན་དང་འབྲེལ་ནས་ཕྱི་ལོ་ ༡༩༩༡ ལོ་ནས་བཟུང་ཡོ་རོབ་དང་། བྱང་ཨ་མི་རི་ཀ དེ་བཞིན་ཨེ་ཤ་ཡ་རྒྱལ་ཁབ་སོགས་ནང་བོད་བརྒྱུད་ནང་བསྟན་ཐད་སློབ་ཁྲིད་གནང་བཞིན་ཡོད་འདུག
༸གོང་ས་༸སྐྱབས་མགོན་༸རྒྱལ་བ་རིན་པོ་ཆེའི་འཁྲུངས་སྐར་བྷེ་རྗམ་ས་གནས་མདོ་སྨད་མི་མང་གིས་དམིགས་བསལ་གོ་སྒྲིག་གནང་བའི་མཛད་སྒོའི་ཐོག་༸སྐྱབས་རྗེ་ཀིརྟི་རིན་པོ་ཆེ་མཆོག་ནས་བསྩལ་པའི་གསུང་བཤད།
༄༅།། དེ་རིང་གི་མཛད་སྒོ་འདི་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་འཁྲུངས་ལྷ་དབྱར་གསོ་དང་འབྲེལ་བའི་དགའ་སྟོན་གྱི་མཛད་སྒོ་ཞིག་ཡིན་དུས། ཐོག་མར་༸གོང་ས་༸སྐྱབས་མགོན་ཆེན་པོ་མཆོག་གི་འཁྲུངས་སྐར་ལ་བཀྲ་ཤིས་བདེ་ལེགས་ཞུ།
མི་མང་པོ་ཞིག་ལྷན་ཅིག་ཏུ་འཛོམས་ནས་དུས་སྟོན་བྱས་པ་འདི་༸གོང་ས་༸སྐྱབས་མགོན་ཆེན་པོ་མཆོག་གི་འཁྲུངས་སྐར་སྲུང་བརྩི་ཞུ་སྟངས་ཤིག་ཡིན་ན་ཡང་འཁྲུངས་སྐར་སྲུང་བརྩི་ཞུ་སྟངས་གལ་ཆེ་ཤོས་དང་གཙོ་བོ་ནི། བོད་མི་ཡོངས་རྫོགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་ངོས་ཟིན་པ་དགོས་པ་དང་བཀའ་དྲིན་དྲན་དགོས་པ་འདི་གལ་ཆེ་ཤོས་ཡིན།
༄༅།། བཙུན་དགོན་དགེ་ལྡན་ཆོས་གླིང་ནང་བསྟན་སློབ་གཉེར་ཁང་གི་རྒྱུགས་འབྲས་རྩེར་སོན་རྣམས་ལ་བྱ་དགའ་གནང་བའི་མཛད་སྒོའ་ཐོག་༸སྐྱབས་རྗེ་ཀིརྟི་རིན་པོ་ཆེ་མཆོག་ནས་བསྩལ་པའི་གསུང་བཤད།
༄༅།། བཙུན་དགོན་དགེ་ལྡན་ཆོས་གླིང་ནང་བསྟན་སློབ་གཉེར་ཁང་གི་མཛད་སྒོའ་ཐོག་ཕེབས་པའི་རང་གཞུང་ཆོས་རིག་བཀའ་བློན་མཆོག་དང། བཀའ་ཟུར་རིན་ཆེན་མཁའ་འགྲོ་ལགས། ངེས་སྟོན་པ་མཆོག བཙུན་དགོན་འདིའི་མཁན་རིན་པོ་ཆེ༌མཆོག་གིས་གཙོས་དགེ་རྒན་རྣམ་པ་དང་། བཙུན་མ་རྣམ་པ་ཡོངས་རྫོགས་ལ་ཐོག་དང་པོར་བཀྲ་ཤིས་བདེ་ལེགས་ཞུ་རྒྱུ་ཡིན། ཉེ་ཆར་རྣམ་པ་ཚོས་ང་འདིར་ཡོང་དགོས་པའི་བཀའ་གནང་བྱུང་ཡང་ང་འདིར་སྡོད་པའི་དུས་ཚོད་དང་སྟབས་མ་འགྲིག་པའི་དབང་གིས་རྣམ་པ་ཚོའི་མཛད་སྒོའ་དུས་ཚོད་ཀྱང་ང་དང་བསྟུན་ནས་ཕར་འགྱངས་གནང་དགོས་བྱུང་བར་དགོངས་དག་ཞུ་རྒྱུ་ཡིན།