ཚན་རིག་པས་ཁ་དོག་གི་རྣམ་བཞག་འཇོག་ཚུལ་སྐོར་གྱི་བགྲོ་གླེང་།

སྐུ་ཞབས་ཀརྨ་ཐུབ་བསྟན་ལགས་ནི་དེང་སྐབས་རྒྱ་གཞུང་གིས་བོད་ས་དབྱེ་བགོས་བྱེད་སྟངས་ལྟར་ན་བོད་ལྗོངས་ནག་ཆུ་རུ་གསར་ཞེས་པ་ནས་ཡིན་ཞིང་། རང་ལོ་བཅུའི་སྐབས་རྒྱ་གར་དུ་བཙལ་བྱོལ་ལ་ཕེབས་ཤིང་། གཞི་རིམ་སློབ་གྲྭ་ཁག་ཐོན་རྗེས་དྷི་ལི་གཙུག་ལག་སློབ་གཉེར་ཁང་དུ་དབྱིན་ཇིའི་སྐད་ཡིག་ཐོག་མཐོ་རིམ་སློབ་མཐར་ཕྱིན། ཕྱི་ལོ་༢༠༠༦ ལོར་དྷ་ས་བོད་ཀྱི་དཔེ་མཛོད་ཁང་གིས་གོ་སྒྲིག་གནང་བའི་ཟླ་གསུམ་སྒྲ་བསྒྱུར་ཟབ་སྦྱོང་ལ་ཞུགས་ཤིང་། དེ་ནས་བཟུང་ད་བར་བོད་ཀྱི་དཔེ་མཛོད་ཁང་གི་ཚན་རིག་སྡེ་ཚན་དུ་ཡིག་བསྒྱུར་དང་སྐད་བསྒྱུར་གྱི་ཕྱག་ལས་གནང་མུས་ཡིན། དཔེ་མཛོད་ཁང་གིས་གོ་སྒྲིག་གནང་བའི་བོད་ཀྱི་དགོན་སྡེ་ཁག་ལ་སྤེལ་བའི་ཚན་རིག་ཟབ་སྦྱོང་གི་ལས་གཞིར་མང་པོར་སྐད་བསྒྱུར་དང་ཡིག་བསྒྱུར་གྱི་ཕྱག་ལས་དངོས་སུ་གནང་བའི་ཉམས་མྱོང་ཡོད་པར་མ་ཟད། སློབ་དཔོན་མེན་སི་ཕིལ་ལགས་ཀྱིས་བརྩམས་གནང་བའི་ཕྱག་དེབ་<<བོད་བརྒྱུད་ནང་བསྟན་དང་དེང་དུས་དངོས་ཁམས་རིག་པ།>> ཞེས་པ་བོད་བསྒྱུར་གནང་ཡོད་པ་བཅས་ངོ་སྤྲོད་མདོ་བསྡུས་སུ།