:
| སྤེལ་དུས: 02 སཟླ་གཉིས་པ། 2022
| ཀློག་གྲངས་: 2302
ཕྱི་ལོ་ ༢༠༢༡ ཟླ་ ༡༢ ཚེས་ ༢༤ ནས་ ༢༨ བར་དུ་ཟླ་གསུམ་ཐ་མའི་རྒྱུགས་སྤྲོད་ལེན་གནང་བ་དང་། ཕྱི་ཚེས་ ༢༩ ཉིན་དགའ་ལྡན་ལྔ་མཆོད་ལ་ཁེལ་བས་ཚོགས་དང་ཕར་ཕྱིན་དམ་བཅའ་སོགས་སྔར་ལྟར་ཡོད་ནའང་། རྒྱ་ནག་ནས་མཆེད་པའི་ཏོག་དབྱིབས་ན་ཚའི་དབང་གིས་གོས་ཐང་ཆེན་མོ་བཤམ་ནས་མི་མང་དང་ལྷན་དུ་རྗེ་ཐམས་ཅད་མཁྱེན་པ་རྗེས་སུ་དྲན་པའི་ཆོས་ཕྱོགས་ཀྱི་བྱེད་སྒོ་ད་ལོ་ཡང་ཚོགས་ཐུབ་མེད། ཕྱི་ལོ་ ༢༠༢༢ ཟླ་ ༡ ཚེས་ ༢ ཉིན་ནས་བཅའ་ཡིག་ཆེན་མོའི་དགོངས་དོན་ལྟར་ཉིན་ ༢༠ རིང་གི་ཚད་མའི་དགུན་ཆོས་ཚོགས་བཞིན་པ་དང་། མཛོད་འདུལ་གྱི་འཛིན་གྲྭ་གཉིས་ཀས་ལོ་འཁོར་རྒྱུགས་སྤྲོད་ལ་གྲྭ་སྒྲིག་གིས་རང་སྦྱོང་གནང་བཞིན་པ་བཅས་ལོ་གཅིག་གི་སློབ་གཉེར་གྱི་བྱེད་སྒོ་ཁག་མཇུག་གྲུབ་ལ་ཉེ་བ་ལགས་སོ། །