༄༅།། བོད་ལུགས་ལྟར་ན་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་དགུ་བཅུ་ཐམ་པར་ཕེབས་པའི་གོ་སྟོན་དང་བཀའ་དྲིན་རྗེས་དྲན་ལ་ཆེད་དུ་དམིགས་ཏེ། ཕྱི་ལོ་ ༢༠༢༥ ཟླ་ ༡ ཚེས་ ༧ དང་། བོད་ཟླ་ ༡༡ ཚེས་ ༨ ནས་ཉིན་གསུམ་ཀིརྟིའི་སྒར་བསམ་ཡས་གླིང་གི་སྨོན་ལམ་ཆེན་མོ་ཚོགས་སྐབས་ཀྱི་ཡར་ཚོགས་ཉིན་གྱི་འདྲ་པར་ཁག

      ཕྱི་ལོ་ ༢༠༢༥ ཟླ་ ༡ ཚེས་ ༧ བོད་ཟླ་ ༡༡ ཚེས་ ༨ བླ་གཟའ་མིག་དམར་ཉིན་གྱི་སྔ་དྲོ་༸འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཐོག་བརྒྱ་དང་བཞི་པ་སྟེ་ཁྲི་ཟུར་རིན་པོ་ཆེ་༸རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་རྡོར་གདན་གནམ་ཐང་ནས་བཞུགས་གནས་ཀིརྟིའི་མགྲོན་དུ་ཕེབས་སྐབས་དགེ་འདུན་འདུས་མང་དང་། ཕྱོགས་སོ་སོ་ནས་ཕེབས་པའི་སྦྱིན་བདག་རྣམས་ཀྱིས་ཕེབས་བསུ་གཟབ་རྒྱས་ཞུས། ཕྱི་དྲོ་ཆུ་ཚོད་ ༣ པའི་ཐོག་རྡོར་གདན་ཀིརྟིའི་སྒར་བསམ་ཡས་གླིང་བཀའ་གདམས་རིན་ཆེན་སྤུངས་པའི་གཙུག་ལག་ཁང་དུ་སྨོན་ལམ་ཆེན་མོའི་ཡར་ཚོགས་ཚོགས་གནང་།