༄༅།། ཀུན་གྱི་དགོངས་པར་མངའ་གསལ་བཞིན་ལོ་རེའི་ཕྱི་ཟླ་ ༨ ཚེས་ ༨ ཉིན་ཏེ་༸སྐྱབས་རྗེ་ཀིརྟི་རིན་པོ་ཆེ་མཆོག་གི་འཁྲུངས་ཚེས་དང་སྟབས་བསྟུན་ནས་འཛམ་གླིང་ཞི་བདེའི་དེད་དཔོན་༸སྤྱི་ནོར་གོང་ས་སྐྱབས་མགོན་ཆེན་པོ་མཆོག་དང་། ༸སྐྱབས་རྗེ་ཀིརྟི་རིན་པོ་ཆེ་རྣམ་གཉིས་ཀྱི་གཙོས་བསྟན་འཛིན་གྱི་སྐྱེས་བུ་དམ་པ་རྣམས་ཀྱི་སྐུ་ཚེ་ཞབས་པད་ཡུན་དུ་བརྟན་ཅིང་མཛད་འཕྲིན་རྒྱས་པའི་ཆེད་དུ་དམིགས་ནས་ཀིརྟིའི་དགེ་རྩ་ཚོགས་པ་དང་། ཀིརྟིའི་བྱེས་པ་གྲྭ་ཚང་། ཀིརྟིའི་བྱེས་པ་གྲྭ་ཚང་གི་བླ་སྤྲུལ་ལྷན་རྒྱས་ཐུན་མོང་གི་ངོས་ནས་བཞུགས་སྒར་ཁུལ་གྱི་བོད་ཀྱི་སྨན་རྩིས་ཁང་སྟེང་འོག་གཉིས་དང་བདེ་ལེགས་སྨན་ཁང་སྟེང་འོག་གཉིས། དེ་བཞིན་བླ་སྨན་ཡེ་ཤེས་དོན་ལྡན་གྱི་སྨན་ཁང་སོགས་སྨན་ཁང་ཁག་ཅིག་གི་ནད་པ་རྣམས་ལ་སྨན་སྦྱིན་ཞུ་བཞིན་ཡོད་པ་ལྟར་ད་ལོ་ཡང་གོང་ཚེས་ཉིན་ཟུར་སྦྱར་གསལ་བསྒྲགས་ནང་གསལ་བའི་སྨན་ཁང་ཁག་ཏུ་སྨན་སྦྱིན་ཞུ་རྒྱུ་ཡིན་ལགས་ན་དགོས་ངེས་ནད་པ་རྣམས་ཀྱིས་ཐུགས་སྣང་གིས་ངེས་ཕེབས་ཡོང་བའི་གསལ་བརྡ་རུ། ཕྱི་ལོ་ ༢༠༡༩ ཟླ་ ༨ ཚེས་ ༢ ལ།