2018.10.25 D༄༅།། རིས་སུ་མ་ཆད་པའི་གཞུང་ལུགས་རབ་འབྱམས་སྨྲ་བ་དང་སློབ་གཉེར་པ་སེར་སྐྱ་ཕོ་མོ་ཡོངས་ཀྱི་༸སྙན་ལམ་དུ་གསོལ་རྒྱུར། 

       ཀིརྟིའི་དགེ་རྩ་ཚོགས་པ་དང་ཀིརྟིའི་བྱེས་པ་གྲྭ་ཚང་ཐུན་མོང་ནས་གོ་སྒྲིག་གིས། ༸རྗེའི་གསུང་དྲང་ངེས་ལེགས་བཤད་སྙིང་པོའི་དཀའ་གནད་ལ་ཆོས་བརྒྱུད་དང་སེར་སྐྱ་ཕོ་མོ་རིས་མེད་ཀྱི་མཁས་པའི་བགྲོ་གླེང་ཆེན་མོ་ཐེངས་དང་པོ། གནས་མཆོག་རྡོ་རྗེ་གདན་དུ་ཕྱི་ཟླ་ ༡༢ ཚེས་ ༢༤ ནས་ཉིན་གསུམ་རིང་འཚོགས་གཏན་ཁེལ་བའི་གསལ་བསྒྲགས་ཞུས་ཟིན་དེ་ལྟར་ཡང་།

        ༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཕྱི་ལོ་ ༢༠༡༩ ཟླ་ ནང་གི་རྡོ་རྗེ་གདན་གྱི་གསུང་ཆོས་རྣམས་འདི་ལོའི་ཕྱི་ཟླ་ ༡༢ པའི་ནང་སྔ་བསྣུར་གྱིས་གྲུབ་གནང་དགོས་པས། དྲང་ངེས་ལེགས་བཤད་སྙིང་པོའི་བགྲོ་གླེང་དེ་ཕྱི་ཟླ་ ༡༢ ཚེས་ ༡༩ ནས་དབུ་འཛུགས་དགོས་ཞེས་ཕྱི་ཟླ་ ༡༠ ཚེས་ ༢༣ ཉིན་དཔལ་ལྡན་དགའ་ལྡན་ཕོ་བྲང་ཡིག་ཚང་ནས་བཀའ་ཕེབས་པར་བརྟེན། སྔོན་མའི་དུས་ཚེས་དེ་ལ་འགྱུར་བ་ཕྲན་བུ་བཏང་སྟེ། ཕྱི་ཟླ་ ༡༢ ཚེས་ ༡༩ ནས་ ༢༡ བར་དྲང་ངེས་ལེགས་བཤད་སྙིང་པོའི་བགྲོ་གླེང་ཆེན་མོ་འདི་བཞིན་སྔོན་འཆར་ལྟར་༸གོང་ས་༸སྐྱབས་མགོན་ཆེན་པོ་མཆོག་ཚོགས་མགོན་དུ་ཆིབས་བསྒྱུར་དང་བཅས་ཆོས་བརྒྱུད་རིས་སུ་མ་ཆད་པའི་མཁས་པའི་དབང་པོ་རྣམས་གདན་འཛོམས་ཏེ་འཚོགས་གཏན་ཁེལ་ཡོད་པ་ལགས་ན། གཞུང་ཆེན་མོའི་སློབ་གཉེར་པ་སེར་སྐྱ་ཕོ་མོ་རང་མོས་ཀྱིས་ཕེབས་འདོད་ཡོད་པ་རྣམས་ཕྱི་ཟླ་ ༡༢ ཚེས་ ༡༧ ཉིན་རྡོར་གདན་ས་གནས་སུ་དངོས་ཕེབས་ཀྱིས་དཔུང་རྟགས་བཞེས་དགོས་པ་བཅས་དགོངས་འཇགས་ཞུ། ཀིརྟིའི་དགེ་རྩ་ཚོགས་པ་དང་ཀིརྟིའི་བྱེས་པ་གྲྭ་ཚང་ཐུན་མོང་གི་བགྲོ་གླེང་གོ་སྒྲིག་ཚོགས་ཆུང་ནས། ཕྱི་ལོ་ ༢༠༡༨ ཟླ་ ༡༠ ཚེས་ ༢༥ ལ་

                                                   ཕུལ།

ཀིརྟིའི་དགེ་རྩ་ཚོགས་པའི་ཁ་བྱང།

Kirti Getsa Charitable Society

Kirti Upper Hostel,

Thardholing Road, P.O. Mcleod Ganj 176219

Dharamshala Distt. Kangra (H.P) India

 

ཀིརྟིའི་བྱེས་པ་གྲྭ་ཚང་གི་ཁ་བྱང།

Kirti Jepa Datsang

Institute of Higher Tibetan Studies

Thardholing Road, P.O. Mcleod Ganj 176219

Dharamshala Distt. Kangra (H.P) India

E-Mail. This email address is being protected from spambots. You need JavaScript enabled to view it.

 

གློག་བརྙན་གྱི་སྐོར།

དང་པོ།
བརྟན་བཞུགས་སྐབས་ཀྱི་འོད་སྡེར་དང་པོ།
གཉིས་པ།
བརྟན་བཞུགས་སྐབས་ཀྱི་འོད་སྡེར་གཉིས་པ།
གསུམ་པ།
བརྟན་བཞུགས་སྐབས་ཀྱི་འོད་སྡེར་གསུམ།
བཞི་པ།
བརྟན་བཞུགས་སྐབས་ཀྱི་འོད་སྡེར་བཞི་པ།

Kirti Monastery, Mcleod Ganj, Dharamsala.176219 Distt, kangra H.P India.